Olar 92 million grivna miqdarında biznesni açmaq ya da inkişaf ettirmek içün grantlar alacaqlar.

 

Ükümet portalında bu aqqında haber etildi.

 

On beşinci dalğanıñ ğalipleri arasında 59% qadın, 30% erkek ve 11% uquqiy şahıslar bar. Olarnıñ 70%-dan çoqusınıñ aliy tasili bar.

 

Grant alğanlarnıñ çoqusı Lviv, İvano-Frankivsk, Jıtomır, Kıyiv, Vinnıtsâ vilâyetlerinden ve Kıyiv şeerinden keldi.

 

Çoqusı mikrogrant saipleri paralarnı biznes içün kerek olğan donatmalarnı satın almağa masraf etecekler.

 

Bu dalğanıñ ğalipleriniñ çalışacaqları eñ populâr saalar: kötere ve bir eşyalıq ticareti, naqliyat vastalarınıñ tamiri, muvaqqat yerleşüv ve aşayt teşkilâtı, işlep çıqarılğan sanayı.

 

“Öz işi” grant programmasınıñ eki senesi devamında endi 19 biñden çoq ukrainalı onıñ ğalibi oldı. Devlet olarnıñ biznesine umumen 4,6 milliard grivna yatırım yaptı.

 

Bu programmanıñ tafsilâtlı malümatını bu bağlantı vastasınen tapmaq mümkün.