Kıyivde arman ayınıñ 27-28. künleri DAK Şuralarınıñ II. Bütünukrain forumı keçirilecek.

 

DAK Şuraları — devlet içinde köçken şahıslarnıñ aqları ve menfaatlarını qorçalağan mesleat organlarıdır. Şimdi bütün Ukrainada 873 DAK şurası bar.

 

Tedbirniñ iştirakçileri ögünde vitse baş nazir İrına Vereşçuk çıqışta bulundı. Em de – Ukrainadaki BMTnıñ Qaçaqlar meseleleri agentliginiñ (UNHCR) temsilcisi Karolina Lindholm Billing, Ukrainadaki AQŞ elçiliginiñ stabilleştirüv meseleleri mesleatçısı Matthew Johnson, Ukrainada Halqara ilmiy tedqiqat ve deñişüvler şurasınıñ (IREX) leyhalar müdiri Ulâna Bah ve “Stabilization Support Servises” hayriye fondunıñ icra müdiri Valeriya Verşınina.

 

Forumnıñ programmasınen aşağıdaki mevzular boyunca munaqaşalarnıñ keçirilmesi közde tutula:

 

– DAK Şuralarınıñ ilk neticeleri;

 

– DAKniñ devlet tarafından desteklenmesi;

 

– DAK içün mesken;

 

– DAKniñ işke kirmesi;

 

– DAKniñ içtimaiy qoruvı.

 

ReNazirliginen işbirligi esasında, BMTnıñ QMAniñ desteginen  “Stabilization Support Servises” Hayriye Fondu tedbirni teşkil etti.