Kıyivde Ekinci Bütünukrain forumı devam ete. İştirakçiler, devlet içinde köçken şahıslarnıñ aqları ve menfaatlarını qorçalav meselesini muzakere etmek içün toplaştılar. Bundan da ğayrı, DAK Şurasınıñ işiniñ ilk neticelerini çıqarmaq ve olarnıñ ilerideki faaliyetiniñ esaslarını belgilemek içün.

 

Tedbirni “Stabilization Support Servises” HF, ReNazirliginen işbirlikte ve Ukrainadaki BMTnıñ Qaçaqlar meseleleri agentligi (UNHCR) ve Halqara ilmiy tedqiqat ve deñişüvler Şurası (IREX in Ukraine) tarafından teşkil etildi.

 

Vitse baş nazir İrına Vereşçuk forum iştirakçileri ögünde çıqışta bulunıp, “Memleketniñ devlet içinde köçken şahıslarnı desteklev ve qoruv siyaseti.  DAK Şuraları meselelerge cevap berüv mehanizmi olaraq” mevzusında panel munaqaşasında iştirak etti.

 

“DAK Şyraları”na teşekkürlerimni bildirem. Sizler pek yahşı, pek ihtisaslı, pek istekli ve pek işançlısıñız. Şimdilik Ukrainada 873 böyle merkez qayd etildi. Bu tahminen 20 biñ faal DAK Şurasınıñ azalarıdır. Bir qaç sene içinde siz sıfırdan küç oldıñız”, – dedi İrına Vereşçuk.

 

“DAK Şuralarınıñ missiyası — devlet içinde alınğan şahıslarnıñ aqları ve menfaatları içün sistemli ve ihtisaslı temin etmektir. Ve, elbette ki, soñki maqsatı — insanlarnıñ kelgen ya da qaytqan yerlerine bütünley qoşulmasıdır”, – dep memur qayd etti.

 

Vitse baş nazir, Ukrainada tahminen 5 million devlet içinde köçken şahıs bar ve olar DAK Şuraları, prezident, ükümet ve parlamentniñ yardımına ümüt eteler, dep qoştı.

 

“Devlet içinde köçip kelgenler bizden yardım bekleyler. Birlikte er şeyni becere bilemiz”, – dep qayd etti İrına Vereşçuk.