Kıyivde Ekinci Bütünukrain forumı devam ete. Bu tedbir çerçivesinde yañı cemaat teşkilâtı – “Devlet içinde köçip kelgen şahıslarnıñ meseleleri şuralarınıñ Kongresi”niñ tesis vesiqaları imzalandı.

 

Kongressniñ esasçıları vilâyetlerdeki DAK şuraları oldılar. Yañı cemaat teşkilâtı başqa seviye DAK şuralarınıñ kirüvine açıq.

 

Kongress faaliyetiniñ esas maqsadı, DAK Şuralarınıñ faaliyetini birleştirmek ve koordinatsiya etmek, em de devlet içinde köçip kelgenlerniñ menfaatlarını milliy ve halqara seviyelerde temsil etüvini temin etmek olaraq belgilendi.

 

DAK Şuraları Kongressiniñ esas maqsatları arasında:

 

– DAK Şuralarınıñ koordinatsiyası ve yardım köstermek;

 

– içtimaiy qoruv, mesken ve iş, ruhiy-içtimaiy, tibbiy ve uquqiy yardım ve ilâhrenen bağlı DAKlerniñ aqları ve menfaatlarınıñ temin etilmesine yardım etmek;

 

– milliy, bölge ve yerli seviyelerde köçip kelgenlerniñ adaptatsiya ve integratsiyası mehanizmleriniñ işlep çıqarılmasına ve mükemmelleştirilmesine yardım etmek;

 

– köçürilgen müessiselerge teşkiliy, usul ve mesleat destegi;

 

– devlet içinde köçken şahıslarnıñ aqları ve menfaatlarınıñ qoruvı saasında qanun leyhalarını azırlamaq.

 

“Men DAK Şuralarına inanam. Şunıñ içün er kesni işbirligine davet etem. İleride çoq işimiz bar”, – dep qayd etti vitse baş nazir İrına Vereşçuk.