Bu mevzunı Çernihiv vilâyetinde İrına Vereşçuknıñ yolbaşçılığı altında keçirilgen gumanitar qarşılıq oturışınıñ iştirakçileri muzakere ettiler.

Çernihiv vilâyetinde mobil aphane noqtalarınıñ işi bu sene çiçek ayından başlağanı aqqında haber etildi. Şimdi olar 19 marşrutta çalışa ve 68 meskün yerni qaplap ala.

Mahsus donatılğan maşinalarnen ilâclarnı em retseptsiz, em de “İrişilir ilâclar” programması boyunca almaq mümkün.

Artqan talabı ve ealiniñ çoqusına hızmetni bermek içün qoşma mahsus naqliyat vastalarına ihtiyac peyda oldı.

Bu meseleni çezmek içün halqara ortaqlarnı celp etmege planlaştırıla. Vitse baş nazir Çernihiv VAMniñ vekillerine muracaatnı azırlamağa avale etti. ReNazirligi bu esnasnıñ idaresine qoşulacaq.

“Cebede bulunğan insanlar içün bu hızmet kerçekten müimdir. Bu sebepten, statsionar aphaneler ve aphane noqtaları olmağan yerlerni mümkün olğanı qadar çoqtan qaplap almaq kerek“, — İrına Vereşçuk dep qayd etti.