İrpin şeerindeki vitse baş nazir İrına Vereşçuk “DAKniñ mesken şaraitini eyileştirüv” halqara tehnikiy yardım leyhasınıñ amelge keçirilüv vaziyetine dair tış oturışını keçirdi.

Leyha, Yañıdan quruv kredit müessisesi (KfW) ve ReNazirliginiñ yardımınen Almaniya ükümetiniñ maliye desteginen amelge keçirile. Leyhanıñ icracısı Halqara migratsiya teşkilâtıdır (HMT).

Leyha Ukrainanıñ beş vilâyetinde cenk areketleri neticesinde viran etilgen evlerniñ ğayrıdan tiklenilmesini ve yañı mesken obyektleriniñ qurulmasını közde tuta.

Oturış çerçivesinde, Kıyivden ğayrı, iştirakçiler Vinnıtsâ, İvano-Frankivsk, Lviv ve Çernivtsi vilâyetlerinde leyhanıñ qurucılıq esnası ve amelge keçirilüvi tafsilâtlarını muzakere ettiler.

“Emek qurucılığı ve rekonstruktsiyasını belgilengen müddetke köre yapmağa tırışamız. Şunıñ içün bütün esnaslarnı beraberlikte idare etecekmiz, işniñ er bir basamağını nezaret etecekmiz, bu leyhalarnıñ vaqtında yekünlenmesini temin etmek içün”, — dep İrına Vereşçuk qayd etti.