Devlet kömür qazma müessiseleriniñ faaliyetini stabilleştirüv meselesi, vitse baş nazir İrına Vereşçuknıñ yolbaşçılığı altında keçirilgen mahsus oturışnıñ iştirakçileri tarafından muzakere etildi.

Oturışta halq mwbusları, ReNazirligi, Energetika nazirligi, İqtisadiyat nazirligi, Maliye nazirligi, Adalet nazirligi, Pensiya fondu, “Ukrvuğillâ” devlet şirketi, Devlet bergi hızmetiniñ, “Tsentrenergo” şirketi, Devlet mülkiyeti fondu, Madenciler mustaqil zenaat birligi, “Ukrzaliznıtsâ” AT, Devlet emek, vilâyet arbiy memuriyetleri, em de kömür qazma müessiseleriniñ vekilleri iştirak ettiler.

Hususan, maden işçileriniñ aylıq borclarını ödemek içün çezüv yollarını qıdırdılar.

Mahsus diqqat “Pervomayskvuğillâ” ve “Lısıçanskvuğillâ” şirketlerine ayırıldı. Eki müessise de Devlet imayesi fondınıñ idaresine berildi. Evel olar Energetika nazirligine boysunğan ediler.

Vitse baş nazir bu kömür qazma şirketlerine “Tsentrenergo”, Devlet maliye fondu ve Luhansk VAMnen bağ qurmağa ve bu meseleniñ çezilüv yollarını tapmağa avale etti. Şu cümleden, bunıñ içün mütenasip oturışlarnı keçirmege avale etti.

“Devletniñ kömür şirketleri şimdi daa çoq destekke muhtaclar. Şunıñ içün mesuliyetli taraflardan borclarnı tez vaqıtta qaytarmağa rica etem”, — dep İrına Vereşçuk hulâsa çıqardı.