Bunıñnen bağlı qarar ükümet tarafından bugün qabul etildi. Oña köre, cebe (sıñır) cemiyetleriniñ zarar körgen evlerine 21 biñ grivna miqdarında bir kerelik ödeme yapılacaq. Umumen bu gumanitar leyhağa 1,2 milliard grivna ayırıldı.

İlk yardım RF devlet sıñırından ya da çatışma sıñırından 10 kilometrlik alan içinde yaşağan sakinlerge berilecek. Bu, Sumı, Harkiv, Herson, Luhansk, Donetsk, Dnipropetrovsk, Zaporijjâ, Mikolayiv ve Çernihiv vilâyetleriniñ cemaatlarıdır.

Para yardımı programması BMTnıñ QMDİniñ maliyeviy desteginen amelge keçirile.

Mütenasip vesiqa ReNazirligi tarafından cenk areketleri keçirilgen topraqlarda ealiniñ ayatını temin etüv planını yerine ketirüv çerçivesinde azırlandı. Bu Plan 2024 senesi bozarğan aynıñ 25-nde 583-r ükümet qararınen tasdıqlandı.

Qanun leyhasınıñ ömürge keçirilüvi qış mevsiminde cebede bulunğan topraqlarda ealiniñ hassas kategoriyalarınıñ mesken yaqarlıq ihtiyaclarını temin etmege imkân berecek.