Buña devlet 114 million grivna ayırdı, dep Ükümet portalı haber berdi.

 

Eñ populâr ihtisaslar ve zenaatlar arasında – emşirelik, ruhiyatçılıq, aşçılıq, aydayıcılıq, mektepten evel tasil, traktorcı, tibbiyet, tatlı pişiricisi.

 

Hatırlatamız ki, vauçer insanğa 124 zenaat ve ihtisas cedvelinde tasil müessiselerinde ya da iş berüciden bedava ögrenüv almaq aqqını bere. Onıñ miqdarı 30 280 grivnanı aşamaz.

 

Vauçerlerni, meslek-tehnikiy ya da aliy tasil alğan, emek hızmetinde işsiz olaraq qayd etilmegen ve soñki 3 sene içinde Umumiy mecburiy devlet içtimaiy bergisi fondunıñ parasından tasil almağan vatandaşlarnıñ belli kategoriyaları ala bile. Hususan, bular şulardır:

 

– 45 yaştan büyük insanlar (yaş pensiyasına qadar);

 

– arbiy areketlerniñ veteranları;

 

– iş çağındaki devlet içinde köçken şahıslar;

 

– saqatlılar;

 

– cenk istilâsı neticesinde yaralanğanlar ya da esir alınğanlar.

 

Ögrenmek içün vauçer almaq içün:

 

– mahsuslıqnı, zenaatnı ve oquv yerini saylamaq;

 

– İnternette, Devlet emek hızmetiniñ saytında ya da er angi iş merkezine ariza ve vesiqalarnen barıp, onlayn ariza yazmaq.

 

Vauçerni iş merkezinden alacaq soñ 90 kün içinde oquv müessisesinen oquv añlaşmasını tizmege kerek.