Bu aqta vitse baş nazir İrına Vereşçuknıñ yolbaşçılığında keçirilgen işğalden azat etilecek topraqlar meseleleri idare ştabınıñ oturışında söz yürsetildi.

Oturış devamında Tasil nazirliginiñ temsilcisi, Nazirler Kabinetiniñ 2022 senesi ilk qış ayınıñ 30 künü 1487. qararınen tasdıqlanğan çağıruvcı, arbiy hızmetçiler ve yedeklerniñ arbiy cedvelini teşkil etüv ve alıp baruv tertibi 34-ünci maddesiniñ amelge keçirilüvi aqqında esabat berdi.

Hatırlatamız ki, 2024 senesi oraq ayınıñ 9-nda ükümet, nizamnameniñ 34-ünci maddesine deñişmeler kirsetti. Olarğa binaen, arbiy vaziyet şaraitinde arbiy cedvelge alınğan vatandaşlarnı tasil müessiselerine oqumağa qabul etüv, arbiy cedvelge aluvnı başqa vaqıtqa qaldırıp, arbiy cedvelge alınğan vatandaşlarnı arbiy cedvelge aluvğa qabul etüvnen yapıla.

Tasil nazirligi, aliy ve aliyden evelki tasil müessiseleri içün Tüzlevniñ 34-ünci maddesini yerine ketirüv boyunca metodik tevsiyeler berdi. Faqat, çıqış vaqtında faal cenk areketleri olğan yerlerden çıqqan vatandaşlar meselege tüşti.

“Bu deñişmeler, ne vaqıt ketkenine baqmadan, bütün vatandaşlarğa tesir etmeli. Esas talap – vatandaş muracaat etken vaqıt mesken yerniñ faal arbiy areketler alanına ait olmasıdır”, – dep vitse baş nazir qayd etti.

İrına Vereşçuk Tasil nazirligine bu hususta çalışmağa avale etti.