Bugün Ükümet “Ukraina Nazirler Kabinetiniñ 2001 senesi qara qış ayınıñ 31-de qabul etilgen 78. qararına deñişmeler kirsetüv aqqında” qararı qabul etti.

 

Qanun Ukraina tışında çalışqan pedagog ve ilmiy-pedagog saasınıñ hadimlerine ait. Qararnıñ amelge keçirilmesi, bu hadimlerniñ çetel memleketlerdeki vazifelerinde çalışqan yılları içün aylıq ödemesi içün olarnıñ pedagogik işi esnası esapqa alınmasına imkân berecek. 2022 senesi kiçik aynıñ 24-nden başlap arbiy vaziyet toqtatılğanına qadar ve arbiy vaziyet toqtatılğanından soñ bir sene devamında.

 

Qarar leyhasınıñ işlep çıqarılmasınıñ sebebi, Rusiye Federatsiyasınıñ istilâsı başlağanından berli millionlarnen ukrainalılar evlerini, iş yerlerini terk etmege ve telükesizlik qıdırmaq içün çetelge ketmege mecbur olğanlarıdır. Olarnıñ arasında pedagoglar da bar.

 

Şimdi, Rusiye Federatsiyasınıñ devam etken silâlı istilâsı sebebinden, olar çetelde çalışmağa tırışalar. Bundan da ğayrı, diaspora yardımınen anda mektepler açıla ve balalarğa Ukrainanen bağlarını saqlamağa yardım etile.

 

Bugünde-bugün böyle hadimlerniñ pedagogik ve ilmiy pedagogik hadimleri vazifelerinde çalışqan vaqıtları, halqara añlaşmalar ya da muqaveleler tarafından belgilengen taqdirde, uzun emek saası ödemesi içün iş tecribesine qoşula. Amma şimdilik böyle añlaşmalar olmağan memleketler bar.

 

Şunıñ içün bu memleketlerden Ukrainağa qaytacaq soñ, tasil müessiselerinde pedagog ve ilmiy-pedagog vazifelerinde çalışqan hadimlerniñ çetel memleketteki iş vaqtını esapqa almağa kerekmeycek.

 

Bu munasebetnen ve böyle vatandaşlarnıñ aqları ve kefaletlerini qorçalamaq maqsadınen böyle bir qarar çıqarıldı. Bundan soñ, halqara añlaşmalar ya da añlaşmalar olmağanına baqmadan, emek saası içün aylıqlar esapqa alınacaq.

 

Deñişmeler, vitse baş nazir İrına Vereşçuknıñ reberliginde çetelde yaşağan ukrainalılarnıñ meseleleri oturışlarınıñ neticeleri esasında işlep çıqarıldı.