19,6 biñ iş adamı öz işini açmaq ya da kenişletmek içün grant paralarını aldı, dep haber ete Ükümet portalı.

Umumen, eİş devlet leyhasınıñ başlanğıcından başlap, şu grantlar ve mikrograntlar berildi: “Öz işi” programması boyunca, veteranlar ve olarnıñ qoranta azalarına, işlep çıqarıcı müessiselerniñ inkişafına, em de bağçacılıq ve issilik hocalığınıñ inkişafına.

Grant içün em faaliyet köstergen iş adamları, em de iş tecribesi olmağan insanlar muracaat ete bileler. Olarnı Diia portalına biznes planınen beraber yollaylar.

Grantnı elde etmek içün yañı iş yerlerini yaratmaq şarttır – mikrogrant berilgende 1-2-den başlap, başqa programmalar boyunca bir qaç onğa qadar. Grant paraları devletke 3 sene devamında şirketniñ faaliyeti esnasında ödenilgen bergi ve tölevler şeklinde qaytarıla.