Birleşken Milletler Teşkilâtınıñ Balalar fondu (UNICEF) Ukrainada balalarnı ve balalı qorantalarnı qorçalamaq içün çeşit programmalarnı ömürge keçire. Olardan biri – telükeli yerlerden daa telükesiz yerlerge köçken ukrainlerge yardım etmektir.

Tek soñki ayda Donetsk vilâyetinden tahliye trenlerinen tahliye etilgen qorantalar içün 2 biñge yaqın tahliye gigiyenik çantası berildi.

Bundan da ğayrı, UNICEF, tahliye etilgenlerge ruhiy ve içtimaiy destek ve ilk ruhiy yardım köstere, mobil taqımlar ise köçip kelgen qorantalarğa yardım ete, olarğa kerekli vastalarnı temin ete ve ileride alışmağa yardım ete.

Keçenlerde haber etilgenine köre, cebedeki ukrainler UNICEFten qıştan yaşamaq içün para yardımını almağa başladılar.