Ukraina vatandaşlarınıñ çetelde bulunması meseleleriniñ çezilüvinen bağlı körüşüvniñ iştirakçileri Litvaniyanıñ tecribesini muzakere ettiler.

 

2024 senesi berim ayına qadar Litvaniyada ukrain tilinde tasil alması içün Litvaniya Tasil, ilim ve sport nazirliginiñ (TİSN) akkreditatsiyasını alğan 3 tolu seviyeli şahsiy mektep çalışa.

 

Olar arasında:

 

• Litvaniyadaki Ukrain halqara mektebi, onıñ memlekette endi 5 bölügi bar;

 

• Vilnüsteki “Gravitatsiya” adlı tahliye etilgen Harkiv mektebi;

 

• Kaunas şeerinde “Heroyam Slava” ukrain mektebi.

 

Bundan da ğayrı, 2022 senesi berim ayından başlap, TİSNniñ teşebbüsinen bazı devlet litvaniya mekteplerinde ukrain başlanğıç mektep sınıfları açıldı.

 

Böylece, 3 biñden çoq ukrain balası Litvaniyada tasil almaq içün ana tilini qullana ve tahminen 600 ukrainalı oca zenaat boyunca çalışa.

 

VİETnıñ reintegratsiya meseleleri naziriniñ muavini Mıhaylo Latınskıy Litvaniya Cumhuriyetindeki ukrain mektep ve sınıflarnıñ temsilcilerine balalarnıñ Ukrainanen bağını saqlamağa yardım etkenleri içün teşekkürler bildirdi.