Halqara teşkilâtlar tarafından böyle cemiyetlerge gumanitar yardım berilmesi meselesi mahsus oturışta muzakere etilgen esas mevzu oldı.

Tedbirde ReNazirligi, Kıyiv, İvano-Frankivsk, Zakarpattâ, Kirovohrad, Volın, Dnipropetrovsk, Hmelnıtskıy, Poltava VAMniñ vekilleri iştirak ettiler.

Bundan ğayrı, BMTnıñ Ukrainada qaçaqlar meseleleri Yuqarı komissarınıñ idaresi (UNHCR), BMTnıñ Ukrainada gumanitar işler idaresi (OCHA), Ukrainada Halqara Qızıl Haç Eyyeti, Ukraina Qızıl Haç Teşkilâtı, Halqara migratsiya teşkilâtınıñ Ukrainadaki temsilciligi ve başqa halqara ve cemaat teşkilâtlarınıñ temsilcileri davet etildi.

Muzakerelerniñ diqqatı, vaqtınca yaşayış yerlerinde (VYY) bulunğan tahliye etilgen şahıslarnıñ ihtiyaclarını daa yahşı belgilemek ve olarnı vaqtında qarşılamaq içün donorlarnıñ cemiyetlernen işbirligine bağışlandı.

Bundan da ğayrı, iştirakçiler tahliye etilgen ealiniñ yerleşkeni vilâyet arbiy memuriyetleriniñ vekillerini diñlediler.

Olar halqara teşkilâtlarnen çalışqanları aqqında haber ettiler ve bar olğan gumanitar ihtiyaclarnı belgilediler. Şu cümleden, VYYni mahsulat taqımlarınen temin etmek kerekligini bildirdiler.