Ukraina vatandaşlarınıñ çetelde bulunmasınen bağlı meselelerniñ çezilüvi boyunca oturış olıp keçti. İştirakçiler arasında ReNazirligi, Tasil nazirligi, Tış işleri nazirligi, İçki işler nazirligi ve başqa müessiselerniñ vekilleri bar ediler.

Hususan, konferentsiya çerçivesinde Poloniyadaki CARE International teşkilâtınıñ temsilcileri ukrain ocalarına Poloniya mekteplerinde işke kirmege yardım etüv meselesini diñlediler.

Poloniya Halqara Yardım Merkezi (PHYM) ile işbirlikte teşkilât, ukrain balalarını poloniyalı mekteplerde desteklemek içün Ukrainadan 2000-den çoq oca, oca yardımcısı, terciman ve ruhiyatçınıñ işke kirsetilmesine qol tuttı.

CARE, Poloniyanıñ yerli tasil bölükleri ve çeşit halqara teşkilâtlarnen iş birligi vastasınen işke kirsetüv leyhasını kerçekleştirdi.

Teşkilât, ukrain ocalarına Poloniya aliy oquv yurtlarında diplomlarınıñ nostrifikatsiya saasında yardım etken daa bir leyhanı amelge keçire. CARE, Amerika donorları sayesinde, tedbirlerniñ masraflarını töley, vesiqalarnıñ tercime etilmesini ve til kurslarını keçire.