u sene veteranlar içün grantlarnıñ 16-ncı dalğası neticesinde 69 ğalip belgilendi. Biznesni açmaq ya da inkişaf ettirmeleri içün olarğa 35 million grivna berilecek. Bu aqta Ükümet portalında haber etile.

 

Ğalipler arasında 36 asker, 37 veterannıñ qoranta azaları ve cenkten sebep saqat olğan 3 insan bar.

 

1 million grivnağa qadar grantlarnı 7 ğalip aldı, 500 biñ grivnağa qadar — 50, 250 biñ grivnağa qadar — 12.

 

Eñ çoq grant alğanlar Lviv, Jıtomır, Vinnıtsâ, Hmelnıtskıy vilâyetlerinden.

 

Eñ populâr saalar, top-umumiy ve tükân ticaret, işlep çıqarılğan sanayı, vaqtınca yerleştirüv ve aşayt teşkilâtı ve başqa hızmetler.

 

Umumen olaraq, “Öz işi” grant programmasınıñ veteranlar qısmı başlağanından berli 1029 veteran ve olarnıñ qoranta azaları ğalip oldı. Devlet olarnıñ biznesine aman-aman yarım milliard grivna yatırım yapa.

 

Programmanıñ şartlarına köre arbiy areketlerde iştirak etkenler ya da cenk neticesinde saqatlı olğan insanlar, ve eşileri aşağıdaki grantlar ala bileler:

 

• 250 biñge, 500 biñge grivna ve 1 millionğa qadar grivna – veteranlar içün bir, eki ya da dört iş yerini yaratmaq şarttır;

 

• 250 biñge, 500 biñge grivna – veterannıñ eşi içün bir ya da eki iş yerini yaratmaq şarttır.

 

Biznes planınen beraber grant arizalarını Diia portalında toldurıp yollamaq mümkün.