İsviçreniñ Federal şurası, Rusiye Federatsiyasınıñ istilâsı sebebinden Ukrainadan çıqqan ukrainler içün muvaqqat qoruv statusını (S programması) 2026 senesi saban ayınıñ 4-ne qadar lâğu etmemege qarar aldı.

 

Bu aqta İsviçre ükümetiniñ saytında yazıldı.

 

Qayd etilgenine köre, böyle qarar Ukrainadaki telüke vaziyeti sebebinden qabul etildi. O, yahşılaştırılacaq soñ yañıdan baqıla bile.

 

Federal şura, ukrain qaçaqlarına S qoruv statusını 2022 senesi saban ayınıñ 12-den bermekte.

 

Mütenasip kategoriyadaki yaşayış vesiqası olarğa İsviçrede yaşamaq ve çalışmaq, em de içtimaiy yardım almaq aqqını bere. Onı Ukrainada 2022 senesi kiçik aynıñ 24-ne qadar yaşağan qaçaqlar ala bileler.

 

Arman ayınıñ soñunda tahminen 66 biñ ukrainalı İsviçrede S qoruv statusına saip edi.

 

Daa evel biz Litvaniyada ukrain qaçaqlarınıñ muvaqqat qoruvınıñ uzatılması aqqında haber etken edik.