Bu sene “Öz işi” grant programmasınıñ on altıncı dalğası neticesinde 392 ukrainalı ğalip olaraq tanıldı. Olar biznesini kenişletmek içün 98 million grivna alacaqlar. Ükümet portalında bu aqqında haber berdiler.

 

Grant alğanlarnıñ çoqusı Lviv, Kıyiv, Harkiv, Rivne, İvano-Frankivsk vilâyetlerinde ve Kıyiv şeerinde yaşay.

 

On altıncı dalğasınıñ ğalipleriniñ çalışqanları eñ populâr saalar:

 

• kötere ve bir eşyalıq ticareti, maşna naqliyatını tamir etüv;

 

• işlep çıqaruv sanayı;

 

• vaqtınca yerleştirüv ve aşamanı teşkil etüv.

 

Umumen 2022 senesi oraq ayında programma çalışmağa başlağan berli endi 19,5 biñ ukrain vatandaşı ğalip olaraq tanındı. Olar öz işini başlatmaq ya da inkişaf ettirmek içün devletten eñ az 4,7 milliard grivna aldılar.

 

Bundan ğayrı, grant alıcılar, ödegenleri bergiler vastasınen bücetke endi 3 milliard grivna qaytardılar.

 

Hatırlatamız ki, “Öz işi” programması çerçivesinde ukrainalılar, 50 – 250 biñ grivanlıq mikrogrant ala bilirler. Cihazlarnı almaq ya da kiralamaq, malzemeler ve maddeler almaq, bina kiralamaq içün para qullanmaq mümkün.

 

Em iş adamı, em de maqbul tecribege saip olmağan insanlarnıñ böyle imkânı bar. Programmanıñ şartı, grantnıñ miqdarına binaen yañı 1-2 iş gruppasını yaratmaqtır.

 

Bağlantığa basıp, grantnıñ tafsilâtlarını ögrenmek mümkün.