Soralğan ukrainlerniñ çoqusı (86%) kelecek yaşayışını Ukrainada qurmağa istegenini bildirdi.

Bu aqta “Demokratik teşebbüsler” Fondu ve Razumkov Merkezi tarafından bu sene arman ayında keçirilgen tedqiqatnıñ neticeleri bildire, dep analitika merkeziniñ saytında haber etildi.

Tedqiqatqa köre, soralğan gençlerniñ 74% kelecegini Ukrainada qurmağa planlaştıra. 30-39 yaşlarında bu raqam 81%-ge, 40-49 yaşlarında — 87%-ge, 50-59 yaşlarında – 90%-ge ve eñ büyük gruppada – 93%-ge qadar arta.

Bundan da ğayrı, soravda iştirak etken ukrainlerniñ çoqusı (88%) öz vatandaşlığınen ğururlana. Bütün yaş gruppalarında aynı derecede yüksek.