Cebe yanındaki cemiyetlerniñ dayanıqlığını temin etüv: Halqara Qızıl Haçnıñ destegi

 

Halqara Qızıl Haç Eyyeti (HQHE), ReNazirliginen işbirlikte bulunıp, cebe yanındaki topraqlarnıñ yaşayış sistemasınıñ dayanıqlığını arttırmağa tırışa. Eñ esası – elektrik ve qızdıruv teminatıdır.

 

Elektrik teminatı

 

HQHE, 245 biñ qullanıcığa hızmet etken Mıkolayiv ve Herson TESleriniñ ve “Zaporijjâeoblenergo” PATnıñ hızmet etüvine yardım köstere. Böyleliknen, müim müessiselerniñ, hususan hastahanelerniñ, çalışmasını temin etmek mümkün.

 

Sağlıq müessiseleri

 

25 müessise, şu cümleden 7 hastahane, qızdıruv aletleri, ocalar, aş pişirüv ve saqlav aletleri, küneş panelleri ve elektrik stantsiyaları alacaq.

 

Fevqulâde vaziyetler hızmetleri ve muracaat etken müessiselerge qışqa azırlanmaq içün 250 tonna yaqarlıq berilecek.

 

“Harkiv issilik ağları” KPniñ leyhası

 

HQHE “Harkiv issilik ağları” KPne 32 MVt issilik yaratuv küçüni ğayrıdan tiklemege faalca yardım ete. Leyha Harkivniñ merkeziyetsiz qısımlarında 100 biñ şeer sakinini qızdıruvnen temin etmek içün 13 modul gaz qozucısınıñ rekonstruktsiyasını közde tuta.

 

Hatırlatamız ki, cenk civarındaki cemaatlarnıñ ev haneleri, qışnı keçirmek içün, HQHE tarafından 25 biñ grivna miqdarında maddiy yardım alacaq. 2024-2025 seneleri qış mevsimine azırlıq programması ReNazirliginen işbirlikte ömürge keçirile.