Oturış, Salı künü, berim ayınıñ 10-da, Birleşken Milletler Teşkilâtınıñ Baş Assambleyasınıñ 79-ncı sessiyasınıñ açılışınen bir sırada keçti.

Ukraina tış işleri naziri Andriy Sıbiğa öz X saifesinde bunı bildirdi.

Baş Assambleyanıñ sessiyası devamında vaqtınca işğal etilgen Ukrainanıñ topraqlarında Rusiye cinayetleri boyunca munaqaşalar keçirilecek.

Bundan ğayrı, Ukraina vekilleri, Qırımnen beraber, halqara uquq qorçalayıcı teşkilâtlarda insan aqları vaziyetine dair yañartılğan qarar leyhasını taqdim etecekler.