Bugün esirlerniñ daa bir deñişmesi keçirildi. Esirlikten 103 qorçalayıcı azat etildi. Olar arasında 31 “Azovstal” mudafaacısı qayttı.

Şu cümleden, Ukraina Silâlı Quvetleriniñ 28 vekili,  Arbiy-deñiz quvetleriniñ 21 askeri, 38 Milliy grardiyacı, 8 sıñırcı, 4 polis, Devlet naqliyat mahsus hızmetiniñ 3 vekili ve Ukraina fevqulâde vaqialar devlet hızmetiniñ 1 vekili esirlikten azat etildi.

Ukraina Prezidenti Volodımır Zelenskıynıñ emrinen Prezident Ofisi, Ukraina Mudafaa Nazirliginiñ İstihbarat Baş İdaresi ve Ukraina Telükesizlik Hızmeti, İİN, Reintegratsiya nazirligi ve başqa müessielerniñ yardımınen deñişme keçirildi.

Ukraina Birleşken Arap Emirliklerine deñişimni teşkil etmege yardım etkeni içün minnetdarlığını bildire.

ReNazirligi uzurında Milliy malümat bürosı (MMB), esirlikten azat etilgen insanlarnı adetince ilk kerekli eşyalarnen arqa çantaları, aş, urba, ayaqqabı, gigyena eşyaları ve cep telfonınen temin etti.

Bundan ğayrı, MMB esirlikten azat etilgen insanlarğa vesiqalar, bank esapları ve sim-kartlarnı yañıdan almağa yardım ete. Ve olarnıñ devletten 100 biñ grivnalıq bir kerelik para yardımını almaları içün ozğaruv temin ete.