DanChurchAid ve Norwegian Church Aid gumanitar teşkilâtları ocaq qızdıruvı içün künaylandan yapılğan briketler berdi. “Cenübiy inkişaf strategiyası” teşkilâtınıñ hadimleri olarnı Mıkolayiv ve Herson vilâyetleriniñ Vasılivka ve Kıselivka sakinleri arasında tarqattılar.

Qayd etilgen cemiyetler cenk areketleri neticesinde bayağı zarar kördi. Olarnıñ arasında bozulğan gaz teminatı sisteması da bar. Bu sebepten sakinleri qış mevsimine azırlanmaq içün qoşma yardımğa muhtaclar.

Yardım Ukraina içün Gumanitar fondunıñ maliyeviy desteginen berildi.

Daa evel haber etkenimiz kibi, UNICEF tarafından cebege yaqın topraqlarda bulunğanlarğa qış ödemelerini berilecek.

Bundan da ğayrı, bir sıra ev saipleri Qırmızı Haç Halqara Eyyetinen qışnı keçirmek içün para alacaq.