Teşebbüsniñ maqsadı silâlı çatışmadan zarar körgen qorantalarğa yardım etmek. Hususan, devlet içinde köçip kelgen ya da köçip kelgen soñ evlerine qaytqan insanlarğa qol tutmaqtır.
Mütenasip programma Estoniya qaçaqlar meseleleri şurasınıñ Ukrainadaki temsilciligi tarafından ömürge keçirile ve Avropada grajdan qoruv ve gumanitar yardım baş müdirligi (DG ECHO), Amerika Birleşken Devletleri Halqara inkişaf agentliginiñ gumanitar yardım bürosı (BHA/USAID) ve Estoniya tış işleri nazirligi tarafından maliye etile.
Maliyeviy yardım şu saalarda: ayvançılıq, ösümlikçilik, arıçılıq, şeerçikçilik, aş pişirüv, hızmet kösterüv, urba tiküv ya da tamir etüv, zenaat ve ilâhre saalarda hocalıq faaliyetini başlatmaq ya da ğayrıdan tiklemek içün berile.
Programmada iştirak etmek içün muracaat ete bilecek cemiyetlerniñ ev hocalıqları:
- Dnipropetrovsk vilâyetinde: Sınelnıkivskıy rayonı, Pokrovsk ve Vasılkivska cemiyetleri.
- Donetsk vilâyetinde: Pokrovsk rayonı, Dobropilska cemiyeti.
- Zaporijjâ vilâyetinde: Zaporijjâ rayonı, Vilnânska ve Bilenkivska cemiyetleri.
- Kirovohrad vilâyetinde.
- Mıkolayiv vilâyetinde: Mıkolayiv rayonı, Şevçenkivska ve Olşanska cemiyetleri.
- Poltava vilâyetinde: Kremençuk rayonı, Kremençuk cemiyeti ve Mırhorod rayonı, Mırhorod cemiyeti.
- Harkiv vilâyetinde: Çuğuyiv rayonı, Zmiyivska ve Novopokrovska cemiyetleri, İzüm rayonı, Barvinkivska ve Slobojanska cemiyetleri.
- Çerkası vilâyetinde
Saylanğan ev hocalıqları, istisalnı arttırmaq ve/ya da kâr qazanmaq maqsadınen mahsulat ve hızmetlerni satın almaq içün 26 000-den 36 000 grivnağa qadar grant ala bileler.
Programmanıñ şartlarınıñ tafsilâtlarını ögrenmek ve iştirak etmek maqsadınen ariza yazmaq içün bağlantı qullanmaq mümkün.