Lviv vilâyetiniñ Dobromıl şeerinde cenk sebebinden evlerini coyğan insanlarnıñ vaqtınca yaşamaları içün yañı sığınaq açıldı. Merkezde 192 devlet içinde alınğan kşi yaşay bile.

Ukraina Qızıl Haç Cemiyetiniñ saytında bu aqqında haber berildi.

Devlet içinde köçip kelgen şahıslar içün yañı sığınaq Nızankovıtskıy ihtisasiy mektebiniñ eski memuriy binasında yerleşken.

Bundan evel binada büyük tamir işleri yapıldı: dam ve pencere deñiştirildi, qızdıruv ve suv sisteması yañartıldı. Em de raat yaşamaq içün kerekli ev donatmaları satın alındı.

Binanıñ ğayrıdan tiklenüvi Ukraina Qızıl Haçınıñ Avstriya Qızıl Haç, yerli öz-özüni idare etüv organları ve Lviv vilâyetiniñ arbiy memuriyetinen işbirliginde başlatılğan Shelter Plus leyhası çerçivesinde yapıldı.

DAK içün sığınaq mında yerleşe: Dobromıl şeeri, Ğalıtska soqağı, 59a. Malümat almaq içün telefon nomerası: (067) 605-35-63.