Soravda iştirak etken ukrainlerniñ çoqusınıñ (79%) şaraitsiz vatandaşlıq almaq imkânı olsa bile, AQŞ ya da Avropada yaşamağa qalmaz edi.

Berim ayınıñ başında Kıyiv halqara içtimaiyat institutı tarafından keçirilgen soravnıñ malümatı bunı kösterdi.

Soravnıñ neticelerine köre, 30 yaşına qadar gençlerniñ 74%-i ve 30 yaşından 44 yaşına qadar insanlarnıñ 75%-i Ukrainada qalmaq istegenini bildirdi. Umumen, bütün yaş kategoriyaları arasında, cevap bergenlerniñ 74-86 fayizi devletimizde yaşamağa istey.

Bundan ğayrı, içtimaiyatçılar, cınsına baqmadan, ukrainlerniñ çoqusı Ukrainada qalmağa istegenini qayd ettiler. 25 yaşından 55 yaşına qadar erkeklerniñ 70%-i başqa memleketke köçmege planlaştırmağanını bildirdi. Aynı yaş gruppasında olğan qadınlar ise 80%-nı teşkil ete.