Şu cümleden, Avropada bloklatılğan Rusiye aktivlerinden 100 million yevro alınacaq.

Avropa eyyetiniñ prezidenti Ursula von der Lâyen öz X içtimaiy ağındaki saifesinde bunı yazdı.

Bundan ğayrı, yarın, berim ayınıñ 20-nde, von der Lâyen Ukraina prezidenti Volodımır Zelenskıynen körüşip, Ukrainağa AB tarafından destekniñ quvetleştirilmesini muzakere etecek. Bunı o, qızdıruv mevsimi yaqınlaşqanınen bağlı Ukraina energetik telükesizliginiñ desteklenmesine bağışlanğan brifing vaqtında bildirdi.

Avropa eyyetiniñ prezidenti hatırlattı ki, Rusiyeniñ Ukraina energetik sistemasına muntazam ücümleri neticesinde bütün generatsiyanıñ tahminen yarısı yoq etildi. O, Latviya, Litvaniya ve Estoniya energetik sistemasınıñ umumiy miqyasına teñ kele.

Rusiye Federatsiyasınıñ istilâsı başlağanından berli Avropa Birligi Ukrainağa energetik yardım içün tahminen 2 milliard yevro ayırdı. Başqa şeylernen beraber, Ukraina Avropa Birliginiñ Grajdan qoruv mehanizmi vastasınen 10 biñden çoq generator ve transformator aldı.