Programma, öz işini başlaеmaq ya da inkişaf ettirmek içün grantlar berüvini közde tuta. 10 künlik biznes-trening kursını keçecek soñ iştirakçiler maddiy yardım ala bilirler. Lviv şeer şurasınıñ saytında bu aqqında aytıla.

 

Programma çerçivesinde 100 grant berilmesi planlaştırıla:

 

• 5000 dollarğa qadar ve 100 000 grivnağa qadar biznesniñ ğayrıdan tiklenüvi ve inkişafı içün;

 

• biznesni açmaq içün 4000 dollarğa qadra ve 100 000 grivnağa qadar.

 

İştirakçiler, yerli bazarğa öz ğayelerini uyğunlaştırıp, biznes planını yazmaq içün kompleks ögrenüvden keçecekler. Market strategiyasını azırlaycaqlar ve biznesiniñ kârlılığını esaplaycaqlar ve ilâhre.

 

Leyha Lviv şeeriniñ topraq cemiyetiniñ toprağında “Humanity in Trouble” Çehiya gumanitar teşkilâtı, “Women’s Perspectives Center” teşkilâtı ve Ukrainadaki AQŞ elçihanesiniñ desteginen amelge keçirile.

 

İştirak etmek içün 2024 senesi berim ayınıñ 27-ne qadar qayd etmek mümkün.