Bugün Ükümet “2024-2027 seneleri içün işğalden azat etilecek topraqlarda tasilniñ ğayrıdan tiklenüvi boyunca tedbirler planını tasdıqlav aqqında” emirni qabul etti.

 

Bu plan, ukrain tasil sistemasınıñ İAETda ğayrıdan tiklenmesi, telükesiz tasil müitiniñ yaratılması, ukrain tasil esnasınıñ teminatınen bağlı esas tedbirlerni közde tuta.

 

Planda qayd etilgen esas vazifeler, hususan, İAETda tasil müessiseleri ve merkezleriniñ ağı, hadimler yedegi ve tasil idare etüv sistemasınıñ teşkil etilmesini közde tuta. Tasil alğanlarnı metodik ve oquv materiallarınen temin etüv, bu topraqlarnıñ vaqtınca işğal vaqtında tasil alğanlarnıñ oquvı neticesini ögüne aluv ve ilâhre.

 

Aktnıñ ömürge keçirilmesi şunlarğa yardım etecek:

 

– İAETda tolu tasil esnasını teşkil etmek ve yerine ketirmek içün uyğun şaraitniñ yaratılmasına;

 

– pedagogik hadimlerniñ talebelernen çalışuv saasında ihtisasiy qabiliyetiniñ arttırılmasına;

 

– er bir insanğa tasil seviyesinde şahsiy ihtiyacları ve imkânlarına uyğun keyfiyetli tasil hızmetleriniñ berilmesini temin etmege;

 

– medeniy cemiyetniñ faal iştiraginen İAETda keyfiyetli tasilniñ ğayrıdan tiklenmesi içün tedbirlerni keçirmege.

 

Qanun leyhası Tasil nazirligi tarafından azırlandı. Onıñ maddeleri işğalden azat etilecek topraqlar meseleleri idare ştabınıñ oturışlarında muzakere etildi.