Bu mesele, cenkte bulunğan rayonlarda gumanitar yardım tedbirleri oturışında muzakere etildi. Tedbir Ukraina Prezidentiniñ Ofisiniñ reisiniñ muavini İrına Vereşçuknıñ yolbaşçılığında olıp keçti.

Hususan, iştirakçiler 28 modul gaz ocaqnı Astyapı nazirliginiñ idare etüv saasından Dnipro, Kremençuk ve Harkiv şeer topraq cemiyetleriniñ kommunal mülkiyetine bermege muzakere ettiler. Şimdi mütenasip nazirlik donatmalarnıñ berilmesi aqqında emir leyhasını azırlay.

Bundan ğayrı, Donetsk, Çernivtsi ve Poltava vilâyet arbiy memuriyetleriniñ vekilleri UNİCEFke berilgen modul qazanlarınıñ donatıluvı aqqında haber ettiler. Bu cihazlar cemiyetlerde tibbiyet ve tasil müessiselerine sıcaqlıq temin etmek içün qullanıla. Şimdi ayrı obyektlerde bağlav işleri devam ete, olarnı qızdıruv mevsimine qadar bitirmege planlaştıralar.

“Cebege yaqın cemiyetlerni qışqa azırlamaq akimiyetniñ esas vazifelerinden biridir. Qızdıruv mevsimi başlanmazdan evel bütün kerekli işlerni bitirmek içün elimizden kelgenini yapmalımız”, — dep qayd etti İrına Vereşçuk.