2018 senesi Ukraina 102-nci yerde edi, bu yıl ise — BMTnıñ E-Government Development Index reytinginde vatandaşlarğa onlayn hızmetler indeksinde 5-inci yerdedir. Bu aqqında Raqam nazirligi bildirdi.

 

Böyle yüksek köstergiç Ukraina devlet hızmetleriniñ raqamlaştırılmasında büyük ileri ketkenini köstere.

 

Hususan, Ukraina dünyada resmiy elektron pasportlar ve eñ tez biznesni qayd etüvnen birinci devlet oldı.

 

Bundan da ğayrı, Ukraina Avropada raqamlı aydayıcı ruhsetnamesine saip olğan dörtünci memleket ve dünyada COVID-sertifikatları Avropa Birligi tarafından resmiy şekilde tanınğan ilk memleketlerden biridir.

 

Şimdi, 21 vesiqa, 30-dan çoq hızmet ve portalda 120-den çoq vesiqa qullanğan 21 million qullanıcısı bar.

 

Ukraina — dünyanıñ tolu miqyaslı istilâ şaraitinde “raqamlı devlet”ni inkişaf ettirgen yekâne memleketidir. Cenk vaqtında Diiada eVesiqa, adam pasportını coyğan taqdirde, eDestek ve kompleks hızmet, ev zarar körgen ya da viran etilgen taqdirde, eYañıdanQuruv başlatıldı.

 

Qayd etmek kerek ki, Ukraina “raqamlı devlet”ni 2019 senesi prezident Volodımır Zelenskıynıñ teşebbüsinen qurmağa başladı.