O, Velıka Oleksandrivka, Vısokopillâ, Koçubeyivka, Borozenske, Kalınivla, Mılivka ve Novovorontsovsk cemiyetleriniñ 35 meskün yerinde çalışacaq. Bunı Herson VAM bildirdi.

Mobil aphanede kerekli ilâclarnı (em retseptsiz, em de rerseptli) satın almaq mümkün olacaq. Şu cümleden devletniñ “İrişilir ilâclar” programması çerçivesinde ilâc almaq mümkün olacaq.

O, Bazarertesi kününden Cumağace saat 9:00-dan 15:00-ğace çalışacaq. Bir künde cemiyetniñ dört meskün yerini qaplaycaq.

Yerli sakinler aphane noqtasınıñ kelmesiı aqqında qoranta ekimlerinden ya da yerli başlıqlardan haber ala bileler.

Hatırlatamız ki, 2023 senesi arman ayında Ükümet, ilâclarnıñ tükân satıcılarına mobil aphane noqtalarını açmağa ruhset bergen qarar qabul etti.

Böyle aphaneler, aphane noqtaları olmağan köy yerlerinde çalışa bile. Cenkiy vaziyet vaqtında ise — cebedeki topraqlarda da çalışa bileler.