Olarnı Rusiye ateşlerinden zarar körgen binalarnı tamir etmek içün qullana bileler. Harkiv Business Hub bu aqqında haber etti.
Vauçer şu masraflarnı qaplay:
- 20 m2 meydanlıqta pencerelerniñ ğayrıdan tiklenüvi;
- 50 m2 meydanlıqta fasad tamiri;
- 50 m2 meydanlıqta olğan odalarnıñ kosmetik tamiri;
- 80 m2 meydanğa qadar damnıñ yañıdan qurulması.
Programmada iştirak etmek içün aşağıdaki iş adamları muracaat ete bileler:
- Harkivde biznesini qayd etkenler ve bir seneden çoq çalışqanlar;
- işhanesi yoq etilüv vaziyetinde olmağan ve sanktsiya cedvellerine kirsetilmegen;
- tamir işleri yekünlengen soñ ya da 3 ay içinde, iş endi çalışsa, bir ya da üç yañı hadimni işke almağa azır olğanlar.
Programmada iştirak etmek içün bağlantıdaki Google formasını toldurmaq kerek. 2024 senesi berimniñ 30-ına qadar bunı yapmaq kerek.
Vauçerlerniñ berilüvi AQŞnıñ halqara inkişaf agentligi (USAID) “Ukrainada cemaat işançını pekitüv” (UCBI) leyhasınıñ desteginen mümkün oldı.