Romadaki yañı meydan ukrain cemiyeti içün merkez olacaq. Şimdi İtaliyada yaşağan ukrainler bu müessisede qonuşa, çeşit tedbir ve programmalarda iştirak ete ve Vatanınen bağlarını pekite bilecekler.

İtaliyadaki Ukraina elçihanesiniñ Facebook saifesinde bu aqqında haber berildi.

Ukrain evi yanında balalar içün mektep çalışacaq. Oquv “Yañı ukrain mektebi” programması standartlarına köre keçirilecek. Mektep programması çetelde tasil aluvnıñ hususiyetlerini köz ögüne alıp azırlandı.

Müessiseni ziyaret etkende, balalar ukrain tili, halqşınaslıq, em de farqlı fakultativ derslerni ögrene bileler. Hususan, ukrain tilinde taqımlar: teatr, oyun, yır, halq icadı, bandura, fortepiano, mektep kontsertleri ve numayışlar.

Müessise Roma, Nino Bixio soqağı, n. 83-85(I. C. Daniele Manin) adresinde yerleşe. Tafsilâtlı malümat almaq içün 3485176520 nomerasına telefon etiñiz.