Vatandaşlar ve ihtisasiy cemaat teşkilâtları bu mevzuda öz ğayelerini ve teşebbüslerini berim ayınıñ 30-na qadar teklif ete bileler. Ukraina prezidentiniñ sıñırsızlıq meseleleri vekâletli mesleatçısı Tetâna Lomakinanıñ Facebook saifesinde bu aqqında aytıla.

Bu, 2025-2026 seneleri içün milliy sıñırsızlıq strategiyasınıñ amelge keçirilmesi boyunca areketler planı çerçivesinde mümkün oldı. O, saqat insanlar, saqat veteranlar, qartlar, gençler, qadınlar ve küçük balalarnı terbiye etken ana-babalar içün uyğun siyasetni şekillendirmege yardım etecek.

Hususan, plan astyapı, naqliyat, tasil, sağlıq, devlet hızmetleri, emek, sport ve ilâhrenen bağlı olacaq.

Tekliflerni berim ayınıñ 30-na saat 18:00-ğa qadar şu bağlantı vastasınen yollamaq mümkün. Olarnı mütehassıs nazirliklernen beraberlikte mütehassıslar baqıp çıqacaqlar.

Hatırlatamız ki, 2030 senesine qadar sıñırsız boşluq yaratmaq içün Milliy Strategiya Birinci hanım Olena Zelenska tarafından teşebbüs etildi ve 2021 senesi Nazirler Kabineti tarafından qabul etildi. Onıñ maqsadı — bütün eali gruppaları içün sıñırsız yerler, hızmetler ve malümat yaratmaq.