Bugün Ükümet Ukraina ve Lehistan Cumhuriyetiniñ ükümetleri arasında Protokolnı tasdıqlağan qararnı qabul etti. O, bu memleketlerniñ ükümetleri arasında 2015 senesi berim ayınıñ 9-nda imzalanğan bağlanğan yardım şartlarınen kredit berilmesi aqqında añlaşmanıñ deñiştirilmesini közde tuta.

Protokol şu meselelerni çezmekte:

• Lehistn Cumhuriyetiniñ Ükümetiniñ krediti sayesinde Lehistan şirketlerinen añlaşmalarnıñ ödeme müddeti 5 seneden 8 senege qadar arttırıldı;

• İşlerniñ miqdarı ya da mallarnıñ bazar fiyatları deñişse, añlaşmanıñ tarafları içün onıñ fiyatını deñiştirmek imkânı olur.

Mütenasip qanun leyhası Ukraina Maliye nazirligi tarafından 2015 senesi ükümetlerarası añlaşmanıñ yerine ketirilmesi vaziyetini nezaret etmek içün teşkil etilgen oturışlarnıñ qararlarını yerine ketirmek içün azırlandı. Böyle oturışlar 2022 senesi berim ayından başlap keçirile edi.

Qararnen tasdıqlanğan ükümetlerarası añlaşmanıñ deñişmeleri 2017-2018 seneleri imzalanğan añlaşmalarnı ödemek içün Lehistan Cumhuriyetiniñ Ükümetiniñ kreditiniñ bir qısmını qullanmağa imkân berecek, kreditniñ qullanılmasını 3111610 “Ukraina-Lehistan sıñırında sıñır yol astyapısınıñ qurulması” ve 3506610 “Sıñır yol astyapısınıñ qurulması ve keçiş noqtalarınıñ donatılması leyhasınıñ ömürge keçirilmesi” KPKVKnıñ mahsus fondunıñ masrafları olaraq aks ettirecek.