2023 senesi ukrain arhivleri 21 milliondan çoq vesiqanıñ raqamlaştırılğan nushasını azırladı ve bu şekilde dünyada raqamlaştıruv tezligi boyunca ekinci yerni aldı. Ukraina Devlet arhiv hızmeti bunı bildirdi.

2023 senesinde arhiv vesiqalarınıñ raqamlaştırıluvı boyunca birinci beş devlet böyle körüne:

• Finlândiya — 34,2 million;
• Ukraina — 21 milliondan çoq;
• Almaniya — tahminen 21 million;
• İsrail — 18 milliondan çoq;
• Norvegiya — 18 million.

Qayd etilgenine köre, Ukraina AQŞdan üç qat ziyade, Lehistandan 3,5 qat ziyade ve Kanadadan aman-aman 4 qat ziyade vesiqalarnıñ kopiyasını yaptı.

Bu sene Ukraina devlet arhivi eñ azından 30 million vesiqanı raqamlaştırmağa planlaştıra.