Bu trennen Donetsk vilâyetinden havfsızlıqqa daa 55 insannı alıp kettiler, olarnıñ arasında 7 bala, qartlar ve saqatlar bar.

Tahliye etilgenler sıcaq içimlikler ve gigiyena çantalarınen beraber ruhiy ve uquqiy yardım ala bileler. Bu, BMTnıñ QMDİ, Ukraina Qızıl Haç Cemiyeti, HelpAge International, “Neeka” hayriye fondu, “Remar SOS” teşkilâtı, “Meramet elleri” hayriye fondu, “Rokada” hayriye fondu ve “Qoruv aqqı” hayriye fondu kibi halqara ortaqlar ve cemaat fondlarınen işbirligi sayesinde oldı.

Tahliye etilgen şahıslar Çernivtsi vilâyetiniñ cemiyetlerinde evelden azırlanğan yerlerge yerleştirilecek.

Qayd etmek kerek ki, tahliye bedava yapıla. Mesleat almaq içün Donetsk VAMniñ tahliye meseleleri sıcaq hattına 0 800 408 911 nomerasına telefon etmek kerek.

Ağır hastalar ve saqatlarnı tahliye etmek içün de nomerler çalışa: 0 800 332 614, (099) 710-48-72, (099) 311-53-14, (096) 108-60-48.

Cebege yaqın topraqlardan tahliye olunmaq istegenler ReNazirliginiñ 1548 sıcaq hattına muracaat ete bileler ya da WhatsApp/Telegram/Viber messengerimizge yaza bileler: (096) 078-84-33.