Bu sene berim ayında yedi cebege yaqın vilâyet çeşit küçlü 600 generator şeklinde gumanitar yardım aldı. Cihazlar Dnipropetrovsk, Donetsk, Luhansk, Harkiv, Mikolâyiv, Sumı ve Çernihv vilâyetlerine berildi.

Bu, Lehistan Tış işleri nazirliginiñ desteginen Avropa Birliginiñ Reintegratsiya ve grajdan qoruv mehanizminiñ işbirligi sayesinde oldı.

Generatorlar, elektrik kesilüvleri vaqtında içtimaiy saa müessiseleri, sağlıq saqlav müessiseleri, qırılmazlıq noqtaları ve başqa kritik astyapı obyektleriniñ toqtamayıp çalışmasını temin etmek içün qullanılacaq.

Bu leyhanıñ ömürge keçirilüvi, cenkten zarar körgen vatandaş ealisine qol tutmaq maqsadınen merkeziy ve yerli akimiyet organları ve halqara ortaqlar arasında işbirlikniñ muvafaqiyetli örnegidir.

ReNazirligi Avropa Birliginiñ Grajdan qoruv mehanizmine köstergen yardımı içün minnetdarlıq bildire ve cenk şaraitlerinde gumanitar çağıruvlarnı al etmek içün ileride de işbirlik yapmağa azır olğanını bildire.