Böyle vaziyette yardım etecek ameliy tevsiyeler Birinci hanım Olena Zelenskanıñ teşebbüsinen yaratılğan “Sıñırsızlıq talimatı”nda derc etildi. Şunıñ bir qaçı:

• Çoqusı allarda bala bir özü olğanına emin oluñız. Çetelde olğanlarnen subetleşip, yanlarında büyüklerni körgenlerini ögreniñiz. Balanı bir başına qaldırmañız.
• Bala tibbiy yardımğa muhtac olsa, acele tibbiy yardım çağırıñız. Eger siziñ kerekli bilgiñiz ve ihtisasıñız olsa, ilk yardımnı özüñiz yapıñız ya da başqasından isteñiz.
• Balanı tınçlandırıñız. Suvnı teklif etiñiz, adını, qaydan kelgenini ve yanındaki büyüklerni soñki sefer ne vaqıt körgenini ögreniñiz. Ana-babanıñ ya da başqa soy-soplarınıñ telefon nomeralarını almağa tırışıñız.
• Balanı evde ne vaqıt olğanını sorayıñız. Onıñ adresi ya da ailesi köçip kelse, vaqtınca yaşağan yerini bilgenini ögreniñiz.
• Balanı eñ yaqın telükesiz yerge (polis bölügine, göñülliler merkezine) alıp barıñız. Lâkin balanıñ tapılğan yerinden uzaq degil olsun.
• Poliske muracaat etiñiz. Bala aqqında 102 nomerası boyunca haber etiñiz ve onıñ aqqında bütün malümatnı beriñiz.
• Balalarnıñ meseleleri hızmetine haber etiñiz. Mümkün olsa, balalarnı qorçalav hızmetine muracaat etiñiz. Bağlantılarnı yerli akimiyet saytlarından tapmaq mümkün.

Polis ya da balalar hızmetiniñ kelmesini beklep olamağan olsañız, telefon etkende, hastahanege, vokzalğa ya da başqa bir cemiyet müessisesine balanı bermege mümkünmi, dep sorañız.

Bundan da ğayrı, ğayıp olğan bala aqqında “Bala yañğız degil” Telegram botuna bildirmek mümkün.