Onıñ adı “Sen Ukrainadasıñ”. Hızmette bedava VPN ve vaqtınca işğal etilgen topraqlarnıñ (VİET) sakinleri içün mahsus brauzer bar.
Bu aqta VİETdaki “Sarı şerit” qarşılıq areketiniñ Telegram kanalı bildirdi.
Hızmetniñ maqsadı – VİETnıñ sakinlerine ukrain haberlerinden haberdar olmağa yardım etmektir, atta işğalciler tarafından internet ya da ukrain saytları blok etilse de. Platforma “Sarı şerit” qarşılıq areketiniñ ve Dovidka.info saytınıñ destegi ile başlatıldı.
Servisniñ saytında faydalı tevsiyeler de bar: ukrain haberlerini qayerde oqumaq, Rusiye teşviqatına nasıl qarşılıq köstermek ve Ukraina mudafaa quvetlerine nasıl yardım etmek.
Hızmetten faydalanmaq içün şunı yapmaq kerek:
- Bağlantınen saifege barıñız.
- Qısqa şekilni toldurıñız.
- Tasdıqlanıp, VPN-ge bağlanıñız ve İnternet ağında çalışqan telükesiz bir brauzerni qullanmaq içün talimatlarnı alıñız.