2 sene devamında 13 137 ukrain qorantası öz evini satın aldı. Bu devirde berilgen kreditlerniñ umumiy miqdarı 21 milliard grivnadan çoq oldı. Bu aqta Ükümet portalında haber etildi.

Böylece, keçken sene ukrainler 8,855 milliard grivnağa 5855 kredit aldılar. Bu sene 11,6 milliard grivnağa 6792 kredit resmiyleştirildi.

Berilgen kredit yardımınen ev alğan qorantalarnıñ yarısından çoqusı arbiy ve uquq qorçayıcılarnıñ qorantalarıdır.

Programma çerçivesinde eñ çoq kreditler Kıyiv vilâyetinde (3568) ve Kıyivde (2517), em de Lviv vilâyetinde (781), Odesa vilâyetinde (633) ve Vinnıtsâ vilâyetinde (610) berildi.

eEvniñ ortaqları arasında, insanlarnıñ kredit almları içün 12 bank ve ukrainler içün ev qurğan 82 qurucı bar.

Qayd etemiz. eEv programması 2022 senesi orta küz ayınıñ 1-nde başlandı. Birinci basamaqta o, arbiy hızmetçiler, uquq qorçayıcılar, ekimler ve alimler içün 3% fiyatlı ipoteka teklif etti. Daa soñra programmanıñ şartları kenişletildi ve mesken şaraitini eyileştirmege istegen bütün ukrainalılarğa 7% kredit almaq imkânı berildi.