Şimdi ukrainler devlet parasına daa 16 zenaat ve 15 zenaat içün oquv vauçerlerini ala bileler. Bu aqta Ükümet portalında haber etile.

Şimdi cedvelde 95 zenaat ve 60 ihtisas bar, olarnı tasil müessiselerinde bedava ögrenmek mümkün.

Oquv vauçerleri içün zenaat ve ihtisaslarnıñ yañartılğan cedveli astyapı, mesken fondı ve energetik obyektlerniñ ğayrıdan tiklenilmesi içün mütehassıslarnıñ azırlanuv yönelişlerini qaplap ala.

Em de uzaqtan idare etilgen apparatlarnıñ operatorı zenaatı qoşuldı, yañı zenaatlar arasında uçaq ve raketa-kâinat tehnikası, avionika, ameliy mehanika ve fizika ve nanomateriallar bar.

Bundan da ğayrı, cedvel yanğın-qurtarıcı zenaatı ve yanğın telükesizligi mahsulatınen tamamlandı.

Protez-ortopediya saası mütehassıslarınıñ azırlanuv imkânlarını keñleştirmek içün cedvelge biomedikal müendislik, himiyeviy tehnologiyalar ve müendislik saaları kirsetildi.

Oquv vauçerlerini, meslek-tehnikiy ya da aliy tasil alğan, emek hızmetinde işsiz olaraq qayd etilmegen ve soñki 3 sene devamında Umumiy mecburiy devlet içtimaiy bergi fondunıñ parasından oquvda iştirak etmegen vatandaşlarnıñ muayyen kategoriyaları ala bileler. Hususan köçip kelgenler, veteranlar, saqatlılar, esirlikten azat etilgenler.

İnternette ariza yazmaq ve programma aqqında tafsilâtlıca ögrenmek içün bağlantığa basıñız.