Tedbirde Ukraina Prezidentiniñ sıñırsızlıq meseleleri vekâletli mesleatçısı Tetâna Lomakina, Ukraina Prezidentiniñ arbiy areketler iştirakçileriniñ reabilitatsiyası meseleleri vekâletli mesleatçısı Vadım Svırıdenko, em de ReNazirligi, Mudafaa nazirligi, Baş ştab, İçki işler nazirligi, Veteranlar nazirligi, İçtimaiy siyaset nazirligi, Maliye nazirligi, Sağlıq nazirligi, Tasil nazirliginiñ vekilleri ve halq mebusları iştirak ettiler.

Oturışta cenkten zarar körgenlerge reabilitatsiya yardımı sistemasınıñ inkişafına diqqat ayırıldı.

Şimdi, ruhiy yardım reabilitatsiya esnasınıñ müim bir parçasıdır ve kompleksli reabilitatsiyanı temin etken reabilitatsiya merkezlerinde ve bölüklerinde berilecek.

Şunıñ içün konferentsiyanıñ iştirakçileri, klaster hastahanelerinde ruhiy sağlıq merkezleriniñ açılmasınıñ müimligini qayd ettiler.

Böyle Merkezlerniñ klaster hastahanelerinde ve umum hastahanelerde mahsus bölüklerniñ teşkil etilmesi, Birinci hanım Olena Zelenska tarafından teşebbüs etilgen “Nasılsıñ?” Bütünukrain ruhiy sağlıq programması çerçivesinde yapılacaq.

Böyle merkezler eñ az 127 klaster hastahanesinde açılacaq. Bu sene 30 işke tüşürilecek.

Ruhiy sağlıq merkezleri ambulator mahsus yardım hızmetlerini, psihiatr, ruhiyatçı terapevt, ruhiyatçı ve içtimaiy işçi mesleatlarına irişimni temin etecekler.

Anda şahsiy ve gruppa terapiyasını teklif ete bileler, ruhiy terapevtik destek bere bileler, ihtiyac olsa — hastahanege yollay bileler.

Körüşüvniñ neticelerine köre, iştirakçiler cenkten zarar körgen insanlarğa yardım etmek içün muayyen ameliy adımlarnı yerine ketirmek içün müessiselerarası idare quvetleştirmege añlaştılar.