Sumı rayonınıñ meskün yerlerinden tahliye aqqında qarar Sumı vilâyetiniñ arbiy memuriyetiniñ ve “Siversk” operativ-taktik gruppirovkasınıñ emirinen qabul etildi. Bu aqta Sumı rayon şurasınıñ saytında haber etildi.

Bu, Bilopil ve Vorojbânsk şeer topraq cemiyetlerinden, Krasnopillâ ve Hotın mesken cemiyetlerinden, Yunakivsk, Mıropil ve Mıkolayiv köy cemiyetlerinden tahliye aqqında söz yürsetile. Olarnıñ cedvelini bağlantı vastasınen oqumaq mümkün.

Bundan da ğayrı, Konotop rayonınıñ ayrı meskün yerlerinden balalarnı ana-babaları, olarnıñ yerine kelgen şahıslar ya da başqa qanuniy temsilcilerinen beraber mecburiy şekilde tahliye etüv ilân etildi.

Hatırlatamız ki, tahliye bedavadır. ​​Telükesiz bölgelerge tahliye aqqında mesleat almaq içün Sumı VAMniñ tahliye meseleleri sıcaq hattına telefon etmek kerek: 0 800 301 501.

Tahliye olunmağa istegiñiz aqqında 24 saat devamında çalışqan ReNazirliginiñ 15-48 sıcaq hattına da bildirmek mümkün. WhatsApp/Telegram/Viber messengerleri vastasınen haberler etmek içün: (096) 078-84-33 nomerası bar.