ReNazirligi, DAKniñ ihtiyaclarınıñ qıymetlendirüvine dair Metodik tevsiyelerni tasdıqladı. 2024 senesi berim ayınıñ 13-nde qabul etilgen 288. buyruq, 2025 senesine qadar devlet içinde köçip kelgenlerge nisbeten devlet siyaseti strategiyasınıñ amelge keçirilmesi çerçivesinde qabul etildi.

Bu strategiya 2023 senesi çiçek ayınıñ 7-de Nazirler Kabinetiniñ 312-r qararınen tasdıqlandı.

Metodik tevsiyeler vilâyet arbiy memuriyetlerine, Kıyiv şeer arbiy memuriyetine yerli seviyede qullanılması içün berildi.

Hususan, bu usulnen Krıvıy Rihteki DAKniñ ihtiyacları qıymetlendirildi ve DAK Şurası ve cemaat teşkilâtlarınıñ iştirakinen paytahtta amelge keçirilüvi devam ete. Devlet içinde köçip kelgenlerniñ ihtiyaclarını qıymet kesüv, olarnı qabul etken cemiyetlerge qoşmaq içün tedbirler aqqında müim qararlarnı almağa yardım etecek.

Vesiqada tetqiqatnıñ temeli olacaq anketalarnıñ nümüneleri de bar, ve köçip kelgen şahıslarnıñ ihtiyaclarını muntazam sürette nezaret etüv sistemasınıñ kirsetilmesini közde tuta, hususan, ayırılğan malümat toplamaq imkânınen.

Qayd etmek kerek ki, usuliy tevsiyelerniñ işlep çıqarılmasında yetekçi cemaat ve halqara teşkilâtlar, şu cümleden “GRUPA VPLIVU” cemaat holding teşkilâtı iştirak etti.

Ükümet çeşit menfaatdaşlarnen çalışmaqta, ve aynı zamanda devlet ve cemiyet sektorına destek köstergen donorlar ve halqara ortaqlarnen, köçip kelgenlerniñ aqlarını daa yahşı qorçalamaq içün çalışmaqta.