Kıyivdeki Merkeziy Ofitserler evinde akimiyet vekilleri esir etilgen askerlerniñ qorantalarınen körüştiler. Tedbirni Prezident ofisiniñ reisiniñ muavini İrına Vereşçuk keçirdi.

Qorçalayıcılarnıñ tuvğanlarınıñ suallerine ReNazirligi, cenk esirlerinen munasebet meseleleri idare ştabı, UHH, Mudafaa nazirligi, Baş ştab, İçki işler nazirligi, UYŞnıñ insan aqları vekâletlisiniñ birleşken merkezi ve başqalaro cevap berdiler.

Körüşüvde aşağıdaki sualler muzakere etildi:

• cenk esirlerini deñiştirmek içün cedvellerniñ teşkil etilmesi;
• Rusiyeniñ halqara gumanitar uquq qaidelerine, Jeneva şartnamesine riayet etüvi;
• Rusiye tarafından qanunsız sürgün etilgen cenk esirleriniñ tuvğanlarınen qonuşmaq, olarğa paketler bermek imkânı;
• azat etilgen arbiy hızmetçilerniñ birinci tibbiy baqıluvınıñ tek protokolınıñ meydanğa ketirilmesi;
• halqara teşkilâtlarnıñ faaliyeti ve ilâhre.

Körüşüv vaqtında qayd etildi ki, ReNazirligi yanında Ukrainağa qarşı silâlı istilâ neticesinde şahısnıñ şahsiy azatlıqtan marum etilmesi faktını belgilev meseleleri eyyeti çalışmağa devam ete. Eyyet arbiy ve vatandaşlarnıñ, şu cümleden azat etilgen şahıslarnıñ esirlikte bulunğanını belgiley.

Eyyet tarafından şahsiy azatlıqtan marum etüv faktı belgilengen soñ, ReNazirligi azat etilgen şahıslarğa 100 biñ grivna miqdarında bir kerelik devlet yardımını bere. Nazirlik, sabıq esirlerge ya da esirlikte bulunğanlarnıñ qoranta azalarına er sene içün 100 biñ grivna miqdarında devlet yardımını bere.

Qayd etemiz: duşmannıñ esirine alınğan insan aqqında malümat tek devletniñ vekâletli organlarına bildirilmeli.

Hususan, bu malümatnı 1648 nomerağa (çetelden kelgen telefonlar içün: (044) 287-81-65) ReNazirliginiñ Milliy haber bürosına yollamaq mümkün. Ya da [email protected] elektron poçtasına yazıp, ya da MMBnıñ saytında onlayn formanı toldurıp yollamaq mümkün.