Qayd etilgen paralar kelecek 4 yıl devamında Ukrainada ğayrıdan quruv leyhalarına berilecek, dep haber etti Ükümet portalı.

Bu aqta körüşüvde Ukraina ğayrıdan tiklenüvi baş naziriniñ muavini – Ukraina cemiyet ve topraqlarınıñ inkişafı naziri Oleksiy Kuleba ve İsviçreniñ Ukrainadaki ve Moldova Cumhuriyetindeki fevqulâde ve vekâletli elçisi Feliks Baumann añlaştılar.

Umumen bir milliard dollar öz-özüni idare etüv, minalarnı yoq etüv ve gumanitar yardım saalarına berilecek. Qalğan paralarnı ise İsviçreniñ şahsiy sektorınen ğayrıdan tiklev programmalarına masraf eteler.

Şu anda Kıyivde Ukrainanıñ orta ve uzun müddetli ihtiyaclarını ögrengen şahsiy sektor delegatsiyası çalışa.

Qayd etilgenine köre, İsviçre ortaqlarınıñ yardımı bölgelerde yañı iş yerlerini yaratmağa yardım etecek.