2024 senesi bozarğan aynıñ 1-den arman ayınıñ 31-ne qadar Ukrainada Rusiye istilâsı neticesinde eñ az 589 vatandaş elâk oldı. Daa 2685 kişi yaralandı.
Birleşken Milletlerniñ İnsan aqları Yuqarı komissarınıñ esabatında böyle malümat qayd etildi.
Qayd etilgenine köre, şu müddet devamında elâk olğanlarnıñ sayısı evelki müddetke köre – 2024 senesiniñ baarine köre – 45%den çoq oldı.
Ölgenlerniñ sayısı artması, hususan Donetsk vilâyetinde, cebeniñ yanında er kün yapılğan ateşler ve Ukrainanıñ energetik astyapısına yapılğan ücümlernen bağlıdır.
Umumen, BMTnıñ Ukrainada insan aqları monitoring missiyasınıñ malümatına köre, 2022 senesi kiçik aynıñ 24-nden itibaren Ukrainada Rusiye Federatsiyasınıñ silâlı tecavuzınen bağlı areketler neticesinde eñ az 11 743 vatandaş elâk oldı ve 24 614 yaralandı.